E tres militarnan kolombiano kende ayera a bira víktima di un trampa ku eksplosivo armá pa disidentenan di FARC.
BOGOTA (AFP).- Tres sòldá a muri i kuater otro a resultá heridá ayera ora ku nan a trapa riba un trampa instalá ku eksplosivo di partí di un grupo gueriero disidente di FARC den zùitost di Colombia. Presidente kolombiano, Abelardo de la Espriella, a primintí un ofensiva sin pas kontra di e organisashonnan kriminal i gueria, meimei dje ola di krísis di violensia di último dékada.
Pero e atakenan kontra di forsa públiko ta sigui den regionnan ku ta bou di kontròl di gruponan ilegal ku ta finansiá nan mes ku trafikashon di droga, mineria ilegal i ekstorshon. E eksploshon di ayera a tuma lugá den oranan di mardugá den un zona dje departamento di Meta. Tres sòldá a muri dirèkt i kuater otro a keda heridá i mester a keda evakuá.
Outoridatnan a pone responsabilidat dje atake riba un struktura di disidentenan di FARC komandá pa Calarcá, kende te poko tempu pasá tabata mantené negashonnan di pas ku e gobièrnu di èks presidente, Gustavo Petro (2022-2026), pero negosiashon kibrá pa De la Espriella poko despues ku esaki a yega na poder.
Forsanan Militar mas aleu a informá ku den un otro zona di e mesun departamentu dos otro sòldá a keda heridá despues di aktivashon di un eksplosivo, siguí pa ráfaganan di fusil.
De la Espriella a primintí di lo sigui ataká e gruponan armá i esaki ku sosten di Merka ku ta apoyá e gobièrnu kolombiano den esaki su operashonnan militar.
