GUERIA DI ELN TA ENTREGA SIVIL NA KRUS KORA

BOGOTA, COLOMBIA, AP.- Un sivil ku tabata den poder di gueria di Ehérsito Liberashon Nashonal a wòrdu entrega na delegadonan di Komité Internashonal di Krus Kora, segun informashon i e organismo aki djaweps.
Den un komunikado el a presisá ku e sivil wòrdu liberá den e zona rural di Saravena, na ost di e pais, serka di frontera ku Venezuela, i “na e momentunan aki ta riba kaminda pa reuní ku su famia”.
Segun e organismo humanitario a intervení den su liberashon k ‘intenshon di aliviá e sufrimentu di e persona aki”.
Dia 29 di sèptèmber, Krus Kora a yuda un otro sivil pa liberashon, kende tambe tabata na poder di ELN.
“Nos ta reiterá ku nos disponibilidat pa kontinuá fasilitando e tipo di mishonnan aki”, segun señalashon di Christoph Harnisvc, hefe di delegashon di CICR na Colombia, sita den un komunikado.
Sekuestro di persona di parti di gruponan armá ku intenshon di ekstorshon òf preshon polítiko, meimei di un konflikto di mas di sinku dékada ta normal.