GEORGETOWN, GUYANA (AFP).- Gobièrnu di Guyana a protestá serka embahador di Venezuela, Carlos Amador Pérez Silva, relashoná ku e intenshon pa bin ku un referendum riba e disputa teritorial entre ámbos pais, segun a keda informá pa e minister di relashonnan Eksterior, Hugh Todd.

Perez Silva a keda risibí pa e funshonario Anil Nandlall kende a ekspresá nan preokupashon pa e echo ku e referendum por trese tenshon pa e region di Esequino, region di 160,000 km2   riku na rekursonan natural i ku ta motibu di un diskushon di hopi tempu for di 2015. E aña ei Exxcon Mobil a topa prueba di presensia di posnan grandi di petroli

Djaweps último, Parlamento venezolano a anunsiá e intenshon di un referendum pa reafirmá pa “via di voto” e “derechinan apsoluto di Venezuela” riba Esequino.

E presidentenan di Venezuela, Nicolás Maduro, i Guyana, Irfaan Ali, a krusa deklarashonnan fuerte den retnan sosial djasabra último.

“Presidente Irfaan Ali, basta ku mentira”, segun Maduro a bisa den su mensahe. “basta di iresponsabilidat, manipulashon, dòbel diskurso, hipokresia i di hasi bo mes víktima”.

“Nos ta bai defendé di forma konsistente e loke ta di nos”, segun Ali a deklará. ‘Nos ta rechasá totalmente e intento di Venezuela pa atentá kontra di pas”, segun e mandatario guyanes, kende a hasi un yamada pa resolvé e konflikto den Korte Internashonal di Hustisia na Den Haag.

 

LAGA UN KOMENTARIO

Please enter your comment!
Please enter your name here