SEATTLE, AP.- Un hurado federal na Seattle a deklará un hòmber ruso kulpabel di intrushon sibernétiko den empresanan merikano pa hòrta informashon di tarhetanan di krédito i orkestrá un scam internashonal di ladronisia ku a sòru pa e generá miónes di dòler.
Despues di dos dia di deliberashon, huradonan a deklará Roman Seleznev kulpabel di 38 kargo, inkluyendo nuebe pa hacking i 10 pa froude pa medionan elektróniko. Seleznev por wòrdu kondená na 34 aña di prisòn na momentu ku a keda sentensiá dia 2 di desèmber.
