PORT-AU-PRINCE, AP.- Un kantidat di haitiano ku diferente problema di salú, desde diabétis te ku heridanan di bala, a para den rei djabièrnè ku speransa di haña atenshon médiko di e personal na bordo di un barku hospital USNS Comfort di Armada di Merka. E barku a mara den kapital di Port-Au-Prince algun dia pasá, komo parti di su último parada di un mishon médiko di sinku luna.
E hospital Militar di Merka a bishitá Haiti na sigur seis okashon durante e último 10 añanan. Su mishon mas resien ta tuma lugá durante un momentu kritiko kaminda protestanan violento i diferente barikada a okashoná ku vários hospital di e pais a keda sin suministro di remedi. Esaki a obligá pa sera algun hospital di forma temporal miéntras ku e manifestantenan ta sigui eksihí renunsia di presidente Jovenel Moise.
Algun persona a haña atenshon médiko pero algun no tabatin suerte ku esaki. Un hòmber di 35 aña, kende tin kanser na prostat a biaha pa di dos biaha den un siman, durante mas di seis ora, pa e haña tratamentu pa su malesa.
