WILLEMSTAD.- Dia 30 di yüni, 1 i 2 di yüli próksimo lo tuma lugá e di dos edishon di “Hak’e Curaçao Summer Festival”. Un festival ku a konosé su promé edishon na 2022 ku e meta pa selebrashon di dia di bandera di Kòrsou.
Organisashon di Hak’e den kolaborashon ku nan partner prinsipal Curaçao Airport Holding (CAH) i tambe Ofisina di turismo (CTB) no a spar esfuerso pa por trese un line-up impreshonante ku artista internashonal sumamente popular kombiná ku artista lokal ku sigur hopi éksito.
HCSF kaminda artistanan lokal manera Ephrem J i tambe Axel & Orchestra ta kompartí esenario ku artista nan internashonal manera Prince Royce, Elvis Crespo, UB40 i Kassav. Dos dia ku ta mustra di bira un éksito sigur.
FECHANAN:
Djabièrnè 30 di yüni 2023: Ephrem J; Elvis Crespo i Prince Royce. Djasabra 1 di yüli 2023: Axel & Orchestra; UB40 i Kassav. Djadumingu, 2 di yüli lo transformá e sitio pa asina e públiko por akudí na e Hak’e Foodfestival konsentrando riba nos kultura musikal i kumindanan tradishonal. Ya tin palabrashon pa Kompèr i Grupo GRIK ta den e line-up i ta planiando algun sorpresa mas.
KARCHI:
Benta di karchi lo tuma lugá online via di tibbaa.com; na Madero Boutique, Van den Tweel Supermarket i 24 uur uit de muur. Awe djaluna lo kuminsá ku benta di karchinan ‘Early bird’ pa sekshon general.
Pa sekshon di ‘VIP standing’, ‘Balcony VIP’ i ‘Platinum VIP’ por tuma kontakto na +5999-5209700. Tin pakete di karchi tambe pa e dos dianan, 30 di yüni i 1 di yüli.
Hak’e Curaçao Summer Festival den su di 2 edishon ta pinta di bira un espektákulo musikal ku su foodcourt i funzone manera nos a bin ta kustumbrá di e tim di Hak’e den tur lokual ku nan organisá. Un fin di siman kaminda nos lo selebrá nos dia di Bandera den forma espektakular.
Sigui bo medio di komunikashon faborito pa bo keda na altura di tur desaroyo di “Hak’e Curaçao Summer Festival”. Sigui HCSF tambe via di nan plataforma di Facebook i Instagram.
Hak’e Curaçao Summer Festival ta posibel pa via di: Curaçao Airport Holding (Cah) – Curaçao Tourist Board (Ctb) – Rom Tambú i Massive.
