Personanan ta rou dor di sende bela i ofresé nan kondolensia na Kathmandu, durante un vigilia pa e studiante di agrikultura na Nepali ku tabata rehen na Gaza i ku a muri
GAZA, TERITORIO PALESTINO, AFP.- E brasa armá di movementu palestino Hamas a afirmá ayera den un komunikado ku ya el a entregá tur restu di rehennan morto i ku tabata den koutiverio na Gaza.
For di djaluna, bou di un akuerdo di paro den e guera intermediá pa presidente merikano Donald Trump, Hamas a entregá na Israel 10 rehen sobrebibiente a kambio di kasi 2 mil prezu palestino libra di prizònnan israelí.
Promé ku e dos kurpanan a keda entregá djárason anochi, Hamas ya a debolbé e restunan di shete di e 28 rehennan ku a muri, huntu ku un di ocho kurpa ku Israel a bisa ku e no ta di un èks rehen.
Pero djárason anochi e brasa armá di movementu islamita palestino, Brigadas Ezedin al Qasam, a bisa ku el a transferí tur e kurpanan ku e por a haña i ku e mester di ekipo spesialisá pa rekuperá restunan den e ruinanan di Gaza.
E frakshon di Hamas akí a anunsiá den un komunikado riba retnan sosial ku el a kumpli su kompromiso di virtut di e akuerdo ora el a entregá tur e prezunan israelí bibu ku e tabatin bou di su kustodia, meskos ku e kadavernan ku e tabatin.
Pa loke ta e sobrá kadavernan, e mester di esfuersonan ekstensivo i ekipo spesialisá pa rekuperá i saka nan. Nan ta hasiendo un gran esfuerso pa sera e tema akí, asina nan a bisa.
Asina akí a yega ku mas kurpa di palestinonan ku tabata rehen
