NEW YORK, AP.- Un helikòpter a aksidentá djaluna despues ku el a purba aterisá riba dak di un edifisio na Manhattan. E pilot a muri segun informashon di outoridat.
E aksidente a tuma lugá alrededor di 2or di mèrdia meimei di áwaseru fuerte i shelu nubla kual ta un opstákulo pa visibilidat.
Gobernador Andrew Cuomo a bisa ku e impakto a sakudí e edifisio i provoká un kandela kual a wòrdu kontrolá. Niun hende no a resultá herida.
E insidente, serka di Rockefeller Center i Times Square, a provoká yegada di vehíkulonan di emergensia na e sitio i a evoka rekuerdonan di e atakenan riba 11 di sèptèmber na aña 2001. Outoridat a señalá ku no tin indikashon ku e insidente ta relashoná ku aktonan terorista.
Atministrashon Federal di Aviashon a indiká ku lo investigá e suseso.
New York tin un historia largu di aksidentenan ku helikòpter i aterisahe fòrsá. Un helikòpter a kai den riu Hudson luna pasa pero e piloto a sali praktikamente ileso.
Un helikòpter turístiko a kai den East River aña pasa, kousando morto di sinku persona. Tres mas a muri durante un aksidente den e mesun riu na aña 2011.