Hilton Woods un di e gran landadónan di Kòrsou a fayesé

WILLEMSTAD.- Hilton Woods un di e gran landadónan di Kòrsou, a fayesé resientemente. Ta trata aki di un landadó ku a destaká tantu lokal, pero tambe riba nivel internashonal. Hilton a forma parti di e ekipo di Buladó aki na Kòrsou.

Na 1984 ku apénas 15 aña, Woods a partisipá na Weganan Olímpiko na Los Angeles. E tabata  serka di klasifiká, pa e gran final di 100m ‘freestyle’.

E gran landadó aki a logra gana medaya di bròns den 50m ‘freestyle’ durante Juegos Panamericanos na 1987. El a hasi esaki ku un tempu di 23.39. Durante mesun evento e gran landadó aki, a partisipá tambe  riba 200m ‘freestyle’. El a hasi tur esaki ku 18 aña representando Antia Hulandes.

E siguiente aña durante Weganan Olímpiko na Seoul, Woods a pone rèkert nashonal riba 100m ‘freestyle’.

Hilton Woods a bishitá e kolegio di Oakland University, i tabata un strea durante su tempu einan. El a establesé diferente rèkert, i alabes el a gana diferente premio.

Na 2024 Hilton Woods a drenta tambe Oakland University Athletic Hall of Fame.