ORANJESTAD.- Polis di Aruba ta informá di un kaso serio ku a tuma lugá den oranan di mardugá kaminda a tira un Hóben(17) mata riba e lugá di parker na Palm Beach. Kuerpo polisial di Aruba a informá ku sentral di polis a risibí un notifikashon djadumingu pa mas o ménos 1:18 di un kaso di tiramentu ku a tuma lugá riba e lugá di parker di e establesimentu Fat Tuesday. Despues di investigashon a konfirmá identidat di e víktima. Ta trata di Rayden K. A. Kock, nase na Aruba 3 yüli 2008.
E promé informe ta indiká ku ora e promé patruya a yega na e sitio, nan a topa ku un hende hòmber ku ya no tabata duna señal di bida mas. Ambulans a presentá, pero no por a hasi nada mas pa e víktima. Recherche, i polis tékniko a presentá pa hasi nan investigashon. Dòkter forénsiko a presentá i ta konstatá morto di e víktima.
 asesiná riba lugá di parker na Palm Beach Aruba){kind=link}