JERUSALEM.- Polis na Israel a duna di konosé ku por lo ménos shete hende a pèrdè nan bida, miéntras ku tres a keda heridá den un tiramentu banda di un sinagoga den Jerusalem ayera. Pero e supuesto tiradó a ser matá despues dor di polis. Komo resultado di e atake aki, 7 hende a ser konfirmá morto i 3 heridá.
E atake a sosodé banda dje sinagoga den e kaya Neve Yaakov, di akuerdo ku un deklarashon di polis. Nan a splika ku e atakante a trata di kore bai den un outo, pero ku el a matá den un interkambio ku polis. Polis a identifiká e tiradó komo un residente di 21 aña ku ta biba den ost di Jerusalem i ku ta parse ku el a aktua su so. E parti ost di Jerusalem ta un parti ku ta predominantemente Palestino, kual a ser kapturá dor di Israel na 1967.
E insidente aki ta surgi meimei di tenshon haltu, un dia despues di un dia tristu pa Palestinonan den West Bank. En e okashon aki no ménos ku 9 Palestino a ser matá i diferente otro a keda heridá.
