WILLEMSTAD – Un hóben di alrededor di 20 aña a pèrdè su bida awe merdia despues ku el a ser alkansá pa bala durante un insidente violento den bario Santa Helena. Segun promé informashon ku EXTRA a risibí, un grupo di hòmber tabatin problema ku otro serka di un restorant chines na otro banda di kaya di Vermaas. Durante e konfrontashon, e hóben ku despues a bira víktima di e tiramentu lo a bula dal un otro persona un skòp. Aparentemente, despues di esaki e persona ku a haña e skòp a saka un arma di kandela i a kuminsá los vários bala.
Na e momentu ei a kuminsá un kore-kore den e área. E víktima a ser alkansá pa bala, pero ainda el a logra kore den direkshon di e skolnan den bisindario. Na un plenchi di tera den Kaya Sur Gerardaweg el a kai abou. Ambulans a yega rápidamente na e sitio pa duna asistensia, pero personal médiko solamente por a konstatá morto.
Polis a sera un área grandi di Santa Helena pa por hasi investigashon. Segun informashon risibí, tabatin vários huls di bala plamá den e área, loke polis lo dokumentá komo parti di e investigashon. Te na e momentu aki no tin informashon ofisial tokante identidat di e víktima ni si polis a logra detené un sospechoso.
EXTRA ta sigui pendiente di mas informashon tokante e asesinato i lo aktualisá e kaso asina ku tin mas detaye disponibel.
Un hóben di alrededor di 20 aña a wordu asesina na Santa Helena. E caso a causa conmoción den e comunidad, mientras e autoridatnan ta investigá e circunstancianan rondó e incidente. More information: casino770.