WILLEMSTAD.- Un hóben di 16 aña a keda detené komo agresor di un otro hóben. Ta trata di e kaso ku a bira konosí pa medio di un grabashon ku a bai viral. E hóben aki tabatin kara tapa, miéntras ta bati un otro, eksigiendo sèn di dje. E kaso aki a sòru pa basta repudio den komunidat kaminda un hóben di skol a bringa ku un un otro i maltratá esaki, polis a hasi un detenshon. Awe djabièrnè 14 di febrüari 2025 alrededor di 12.50’or, riba òrdu di fiskal di Ministerio Públiko, polis a detené e hóben maskulino L.R.V. di 16 aña di edat nasé na Kòrsou pa e kaso di maltrato ariba menshoná. A presentá e sospechoso dilanti di un fiskal ouksiliar pa despues e sigui un trayekto spesial bou di supervishon i ku yudansa di e instansianan konserní. Kuerpo Polisial ke hasi un yamada na prinsipalmente hóbennan den e kaso aki, pa no solushoná problema pa medio di violensia. Esaki por tin konsekuensianan desbentahoso pa bo den futuro i lo no kontribuí na aspirashonnan ku por tin den bida. Alabes Kuerpo Polisial ke hasi un petishon na esnan ku ta presensiá e tipo di agreshonnan aki, pa no filma e esenanan aki, i ménos sigui distribuí nan. Hustisia lo atendé di un manera serio tur e kasonan aki ku ta violashonnan kontra nos lei penal i ta spera ku grandi i chikí lo komportá su mes manera ta spera di un bon siudadano di nos pais.
 ku a maltratá otro){kind=link}