WILLEMSTAD.- Un biaha mas polis ta pidi búskeda di e hóben, Jesus Valks, nasé na Sto. Domingo, di 16 aña di edat.
For di djasabra 7 di sèptèmber 2019, alrededor di mitar di kuater di atardi, Jesus a sali for di “Justitiële Jeugdinrichting Curaçao JJIC, (ántes G.O.G.) i no a regresá.
Jesus tin e siguiente deskripshon:
Haltura: 1.65m
Postura: delegá;
Koló di kueru: maron kla;
Kabei: pretu/krùl;
Koló di wowo: maron kla;
Forma di kara: oval.
No ta promé biaha ku e hóben aki ta hui for di e sentro, den pasado kaba esaki a tuma lugá na vários okashon.
Polis ta supliká tur hende ku por duna kualke informashon tokante di Jesus pa tuma kontakto ku polis na e number di telefòn 917 òf na e number anónimo 108.
