NEW YORK, AP.- Un hóben ku a pèrdè parti di su pia despues di trapa riba un artefakto eksplosivo den Central Park na New York ta rekuperando i lo regresá universidat segun indikashon di su tata. Connor Golden, di 19 aña, ta rekuperando den un hospital na Manhattam di heridanan ku el a sufri den e insidente dia 3 di yüli.
E hóben di Fairffax, Virginia, a aseptá e notisia di dòkternan di e hospital Bellevue na momentu ku a bisé ku mester amputá un sekshon inferior di su pia robes.
Asina su tata Kevin Golden e relatá.
E hóben a rospondé: “No ta problema, pero no kòrta mi mannan”. El a sigui bisa ku su yu tabata kontentu ku e no a pèrdè su man pasó e ta un músiko.
Connor a wòrdu someté na tres diferente operashon pero tin speransa ku e avanse di siensia prostétiko lo yud’é rekuperá.
