PARIS, AP.- Un hòmber a hinka vários persona riba un kaya na e siudat franses Marseille djamars promé ku el a wòrdu matá, segun informashon di outoridat.
Por lo ménos dos peaton a resultá leshoná den e suseso pero nan bida no ta kore peliger, segun indikashon di e prensa lokal.
Un funshonario di gobièrnu regional a bisa ku no tin motibu pa pensa ku e atake a wòrdu motivá pa terorismo, pero e informashon tabata ambiguo.
E funshonario, kende a papia ku kondishon pa keda anónimo, no por a konfirmá e identidat di e agresor ni e motibu pa su atake.
