LAVAL, CANADA, AFP.- Dos mucha chikí a muri despues ku un bùs a dal den un krèsh serka di Montreal djárason. Outoridat a detené e shofùr i e ta akusá ku asesinato pa motibu ku polis ta kere ku ta trata di un akto deliberá.

“Nos ta kere ku e insidente tabata deliberá, pero nos no sa e motibu”, asina Pierre Brochet, hefe di polis di Laval a bisa na AFP.

E shofùr di 51 aña, detené un ratu despues di e echonan a keda interogá pa polis den oranan di atardi, segun Brochet. E no tin niun antesedente penal.

Ainda e no a keda akusá formalmente i e sirkunstansianan di e tragedia ainda no ta kla, asina polis a bisa.

Servisio di emergensia na Quebec a bisa na AFP ku un di e dos muchanan a muri na e sitio, i e otro na momentu ku paramédikonan tabata atendiendo kuné. E otro seis muchanan hospitalisá no ta den peliger.

E tragedia a sosodé alrededor di 8:30 or di anochi. Vários mucha heridá a keda pegá bou di e bùs promé ku a reskatá nan. Niun adulto a resultá heridá den e insidente.

 

LAGA UN KOMENTARIO

Please enter your comment!
Please enter your name here