Riba e potrèt por mira e edfiisio den kua e sospechosonan tabata biba, miéntras ku riba e terasa tabatin un vèn den kua a sera e mucha for di novèmber di 2025
STRASBOURG, Fransia (AFP).- Un hòmber di 43 aña a keda akusá na Fransia pa a tene su yu di nuebe aña sekuestrá pa mas ku un aña den un vèn, den kua a hañ’é djaluna último sunú i desnutrí.
Gendarme a deskubrí e mucha na Hagenbach, den un bario chikí di 800 abitante den nortost di Fransia, despues di a keda alertá pa un bisiña ku a bisa di ta tende “zonido di mucha” den un vèn stashoná riba un área privá di vários bibienda. Despues di a habri e vèn a bin haña e mucha di kremp, sunú, kubrí ku un klechi riba kantidat di shushi i serka di shushi humano”, segun un komunikado di fiskal di Mulhouse, Nicola Heitz. “Debí na e posishon di kremp pa hopi tempu”, e mucha, “blek i desnutrí”, ya no por a logra na kana. El a keda atendé di forma inmediato den hospital di Mulhouse.
E mucha a konta na investigadónan ku e partner di su tata “no tabata ke pa e ta den nan apartamentu i tabata ke pa intern’é den un hospital sikiátriko”, pero ku su tata. E mucha, kende na fin di 2024 a baña pa último biaha mester a uriná den bòternan di plèstik i hasi su nesesidatnan den e shushinan. E tata tabata biba huntu ku su partner di 37 aña i dos mucha di 10 i 12 aña -su yu muhé i otro yu dje muhé- i a rekonosé di a ten’é sekuestrá for di novèmber di 2024 pa proteh’é di su partner.
“El a disparsé di un dia pa otro”, segun bisiñanan ku a keda interogá. E partner dje hòmber tambe ta enfrentá akusashon, entre nan, di no a denunsiá maltrato. Segun e hòmber, su partner tabata sa algu pero no tur e detayenan. E muhé a nenga tur akusashon.
Tèstnan médiko no a revelá ningun problema sikiátriko serka e mucha. Outoridatnan a kita tur e tres muchanan for di e pareha.
