WILLEMSTAD.- Ayera durante di oranan di atardi pa bai kue anochi outoridatnan huntu ku Milisia a tene kontròl preventivo na diferente sitio na Kòrsou.
Durante di e kontròlnan manera ta kustumber ta hasi un kontròl 100% riba tantu e vehíkulo i tambe e personanan den dje.
Durante di e kontròlnan ku a tuma lugá ayera a detené un hòmber di nashonalidat hamaikino despues ku a hañ’é den poder di un saku di mariwana i tambe hash.
E hòmber aki lo mester a indiká na outoridatnan ku e no sa kiko e kos ei ta ni tampoko e no sa ki mishi e droga den su tas ku tabata kologá na su kurpa.
Mesora a detené e hòmber aki i a konfiská e droga i tambe su vehíkulo i a transport’é pa warda di polis kaminda a presentá e hòmber dilanti un fiskal ouksiliar ku a ordená su enkarselashon pendiente mas investigashon.
Mas aleu outoridatnan a parti un kantidat di but pa entre otro kore sin reibeweis válido i kore ku glas pretu pegá.
