SAN JUAN AP.- Un hòmber di riba 60 aña a muri despues di tabatin problemanan neurologiko ora el a keda infektá ku e virus di Zika, asina sekretario di salubridat di Puerto Rico Ana Rius a bisa.
No ta bon kla ainda si e hòmber tabatin un parálisis vinkulá ku e zika, konosí tambe komo e síndrome di Guillain Barre asina Rius a bisa. E no a duna nòmber di e hòmber ni e detayenan. banda di e morto aki, den lunanan ku a pasa tabatin 4 morto mas a konsekuensia di Zika inkluyendo dos ku a desaroyá komplikashonnan di Guillain Barre.
