WILLEMSTAD.- Algun ratu pasa e homber di isnisial J.O.C., di 39 aña ku dos siman pasá djabièrnè a dal un mama i su beibi mata den tráfiko a rekobrá su libertat.
Hustamente riba e dia ku e víktimanan a hasi dos siman morto i dos siman ku e aksidente trágiko a tuma lugá riba Helmin Magno Wiels Boulevard ku a kosta bida di Julianne Maria Joe, nasé dia 15 di novèmber 1999 i Giun-drick Joe, nasé dia 10 di febrüari 2018, ámbos nasé Kòrsou., e sospechoso a bai kas despues di a keda sera pa 14 dia.
Bosero di Ministerio Públiko a konfirmá e informashon pero a indiká ku ounke e sospechoso a rekobrá su libertat, e ta keda sospechoso i pronto lo mester presentá dilanti wes.
Den nos edishon di mayan EXTRA lo amplia riba e kaso aki.
