Momento ku a detené Ryan Wesley Routh den sèptèmber di 2024, despues di su intento pa mata Donald Trump kende na e momento ei tabata kandidato presidensial.
MIAMI (AFP).- Un hurado federal di Merka a deklará e hòmber Ryan Routh (59) kulpabel di tur akusashon di a purba mata Donald Trump den desèmber di 2024 riba un tereno di gòlf di Florida. Routh a keda akusá di a konspirá pa tira Trump, e tempu ei kandidato pa presidensia, dos luna despues ku e republikano a resultá heridá na un orea pa un tiru durante di un reunion di kampaña den Pennsylvania.
E hurado a deklará Rout kulpabel di, entre otro, e delito di intento di asesinato di un kandidato pa presidensia, pa kua e por risibí kastigu di bida largu. E kondena lo bira konosí dia 18 di desèmber.
“Un gran momento pa hustisia na Merka”, segun presidente Trump a skibi riba “Truth Social”.
E sekretario di Hustisia, Pam Bondi, a skibi riba X ku e veredikto “ta ilustrá e kompromiso di Departamento di Hustisia pa kastigá tur esnan ku ta dediká nan mes na violensia polítiko.
