Den pasado kondená na Kòrsou i Spaña

WILLEMSTAD. – No ta pòrnada ta pidi pa investigá e grado di violensia ku antianonan ta kometé riba nan víktima. Den Korte Penal di Rotterdam, huesnan ta kondená un hòmber yu di Kòrsou na dos biaha 18 luna, pa dos atrako kometé. Korte a trata kada atrako separá, pero riba mesun dia.

Apesar ku tin testigunan i tambe e víktimanan mes por a bisa ken a atraká nan, e akusado tabata para riba su inosensia, ku no ta su persona a kometé e atrako.

Ta trata di dos atrako ku e akusado aki a kometé den dos siman. Kada un di e atrakonan aki e hòmber a usa violensia desproporshonal, esta despues di a kaba di ranka nan tas, el a bati su víktimanan tambe ku opheto duru riba nan kabes.

Korte a splika ku e tipo di violensianan aki ta kousa un trauma i insiguridat grandi den e víktimanan i ku pa hopi tempu nan lo biba den angustia, pa e forma kon nan ta keda ataká i maltratá, loke ku no ta normal.

Fiskal a pidi un kastigu di 3 aña pa tur e dos atrakonan kometé.

Pa yega na e kondena, Korte a tuma tambe karchi di kastigu na konsiderashon i a sali na kla ku e akusado a yega di keda kondená den pasado na Spaña i Kòrsou. Mester bisa ku e kondenanan aki ta datá di basta tempu, pero ta parse ku despues di ta trankil pa hopi aña, e akusado ta riba su kaminda di violensia atrobe.

Manera menshoná korte a yega na un kondena igual na e demanda di 18 luna pa kada atrako i den un di e kasonan e mester paga un multa di € 1.361,14 na e víktima.

 

LAGA UN KOMENTARIO

Please enter your comment!
Please enter your name here