VALLETTA, MALTA, AFP.- E promé di un grupo di tres persona akusá ku implantashon di un bòm den outo di un periodista anti-korupshon na Malta, Daphne Caruana Galizia na aña 2017 a deklará kulpabel djamars i a keda sentensiá na 15 aña den prizòn.

Vincent Muscat a haña un sentensia leve pa motibu ku el a koperá ku polisnan desde komienso di e kaso ku a kousa konmoshon den Malta segun huesnan.

E asesinato di Caruana Galizia a kousa krítika i protesta internashonal, kousando renunsia di e promé minister Joseph Muscat.

Dos persona ta wardando riba nan sentensia pa e atake riba 16 di òktober 2017 miéntras un empresario Yorgen Fenech a keda akusá ku planifikashon di e asesinato.

Viscent Muscat i su rumannan, George i Alfred Degiorgio a keda arestá den desèmber 2017 pa ehekutá e asesinato i akusá den yüli 2019. Muscat a keda sentensiá na 15 aña den prizòn despues di a sera un akuerdo ku fiskal, renunsiando su derechi pa apelá. Ademas, e mester paga 42.930 euro pa kostonan di korte.

Caruana Galizia, deskribí komo “un muhé WikiLeaks” tabata konosí pa su investigashonnan di korupshon di nivel haltu i a kontribuí ku e dokumentonan di Panama Papers na aña 2016.

LAGA UN KOMENTARIO

Please enter your comment!
Please enter your name here