WILLEMSTAD.- Ayera nochi un hòmber hulandes europeo, bou di influensia di alkohòl a pèrdè kòntròl i basha palu di lus abou. Polis di Montaña a bai na Seru Grandi pa atendé ku e aksidente, kaminda un pikòp a aksidentá kontra di un palu di lus. Dor di e choke, e vehíkulo a basha e palu di lus abou. Na yegada di e unidatnan polisial nan a opta pa sera e kaminda, mirando ku e situashon tabata unu peligroso, debí ku vários waya di koriente tabata kologá riba kaminda. Dor di e aksidente akí tambe diferente kas den e barionan i besindario a keda sin koriente. P’esei, mester a pidi presensia di Aqualectra tambe pa bini na e sitio, p’asina duna asistensia. Polis a detené e hòmber shòfùr i a hiba esaki warda di polis p’e bin bei, i pa e para responsabel p’e daño ku el a kousa.
