MADRID, AP.- Un renchi matrimonial di oro a wòrdu rekuperá mas di 37 aña despues pa su doño. Un sambuyadó a haña esaki na kosta dilanti di e siudat di Benidorm, na ost di Spaña i a kuminsá un búskeda riba retnan sosial pa debolbé esaki.
E instruktor di sambuyá, Jessica Vuesta a entregá e renchi na Augustin Aliaga den su bar den pueblo ku ta keda serka di e siudat nororiental na Zaragoza.
Despues di haña e renchi luna pasa, Cuesta a publiká un potrèt riba su página di facebook i a publiká e fecha grabá di e hoya kual ta 17 di febrüari 1979.
Mas di 80.000 a kompartí e anunsio te ora esaki a yega na Aliaga i su kasá Juani Sanchez.
Aliaga a bisa ku el a pèrdè e renchi miéntras e tabata landa, vários luna despues di a kasa.
