ROMA, AP.- Un hòmber mester a wòrdu operá despues di a keda ataká den metro na Roma ku moketa i skòp den kabes pa algun humadó. E personanan aki a rabia debí ku e víktima a pidi nan pa paga sigaria.
E alkaldesa Virginia Raggi a bishitá hospital djamars pa asina topa ku Maurizio di Francescantonio, di 37 aña di edat, dos dia despues ku el a wòrdu ataká miéntras e tabata den metro ku su mama.
Fiskalnan ta investigá dos hòmber den área di Caserta, na sùit di Italia, pa intento di asesinato.
E mama di e víktima a bisa na reporteronan ku ningun pasahero a purba yuda su yu na momentu ku el a wòrdu ataká. El a agregá ku el a wòrdu levemente heridá na momentu ku el a purba para e atake aki.
Humamentu ta prohibí riba transporte públiko na Roma.
