ZACATECAS, MEXICO, AFP.- Hòmbernan armá a mata seis agente polisial na nort di México kaminda kartelnan rival ta bringa otro pa haña rutanan pa trafiká droga, segun indikashon di outoridat.

Sinku di e ofisialnan a haña bala durante training na un sentro di deporte na Calera de Victor Rosales, segun gobièrnu di estado di Zacatecas.

Dos agente mas a haña bala despues ku nan a yega e esena, di kual unu a muri segun indikashon di un informe.

E gobernador di Zacatecas, David Monreal a kritiká loke el a deskribí komo un “atake kobarde” i ofresé kondolensia na famianan, amigunan i koleganan di e víktimanan.

Den yanüari, outoridatnan a haña 10 kadaver den un vehíkulo bandoná dilanti di palasio di gobernador den kapital di estado Zacatecas.

 

LAGA UN KOMENTARIO

Please enter your comment!
Please enter your name here