TEGUCIGALPA, HONDURAS, AFP.- Honduras a manda mas ku 600 polis militar den zonanan na frontera pa kombatí gangnan i nan miembronan. Gobièrnu a dekretá un emergensia na frontera djaweps pa motibu di e oumento di e kantidat di ekstorshonnan.
E Miembronan di Polis Militar di òrdu Públiko (PMOP), kreá den e gobièrnu anterior pa kumpli ku funshonnan polisial, a keda desplasá na frontera ku El Salvador, Guatemala i Nicaragua.
E gobièrnu di Nayib Bukele a deklará “un guera” kontra gangnan den e pais, derivando den detenshonnan di mas ku 58.000 persona.
E bosero di PMOP, Mario Rivera a indiká ku e refuersonan lo keda pa tempu indefiní na frontera pa “evitá entrada di strukturanan kriminal i narkotráfiko entre otro delitonan”, asina e bosero a añadí.
E direktor di polis, Gustavo Sanchez a anunsiá ku lo destiná mas presupuesto i por lo ménos 20.000 agente pa e propósito aki.
Gobièrnu a imponé e estado di emergensia tres dia despues ku shofùrnan di trùk a manifestá na Tegucigalpa pa eksigí gobièrnu pa hasi algu e ekstorshon di gangnan na frontera.
Alrededor di 400 shofùr a keda asesiná e aña aki, segun dirigentenan di e gremio.