TEGUCIGALPA, HONDURAS, AFP.- E pueblo di Honduras a vota djadumingu, meimei di temor di violensia, kaminda a vota pa skohe susesor di e derechista Juan Orlando Hernandez. El a kulminá su mandato pa akusashonnan di narkotráfiko na Merka.
E dia a inisiá ku un petishon di pas di presidente di Konseho Nashonal Elektoral, Kelvin Aguirre. Mas di sinku mion siudadano a haña nan invitashon pa bai vota djadumingu.
Urnanan a sera 5 or di atardi, pero algun a keda habrí mas lat pa motibu di e rei largu di hende ku tabatin. A kuminsá publiká e resultadonan tres ora despues.
Hernandez a gana na 2017, apesar di denunsianan di froude di oposishon. Tur protesta a wòrdu reprimí pa gobièrnu lagando un saldo di mas di 30 morto.
