TEGUCIGALPA, HONDURAS, AFP.- Un miar di hondureño a marcha djabièrnè pa protestá kontra korupshon den gobièrnu, relashoná ku e maneho di fondo destiná pa kombatí e pandemia di COVID-19.
E manifestantenan a protestá riba bulevar Suyapa, na ost di e kapital.
Plataforma di salú i edukashon a organisá e protesta kontra mal maneho di fondonan destiná pa enfrentá e krísis di salú. E plataforma integrá pa 18 organisashon di dòkter, profesor i organisashon sosial a keda formá na komienso di 2019, i a organisá diferente protesta kontra dekretonan ku ta privatisá e sektor di salubridat i edukashon.
E gobièrnu a anunsiá ku a risibí 997,7 mion dòler na fiansa di organisashonnan finansiero internashonal.