Aboná

Djaluna, Novèmber 10, 2025

Home Deporte Honor Fight League 6 ta primintí di bira eksplosivo

Foto 7 HFL ( 29 OKT) — WILLEMSTAD.- Ayera tardi tabatin un rueda di prensa pa e di seis edishon di Honor Fight League. E di seis edishon akí ta primintí di bira esun di mas grandi i tambe esun di mas eksplosivo. Kaminda tur e diferente atletanan ku lo partisipá den e evento akí, tabata presente. Esaki ta inkluí esnan di Kòrsou Keanu Irausquin i tambe John Granville. Irausquin a bisa ku e ta kla pa enfrentá Stefano Groenendal den un pelea profeshonal di MMA. Miéntras den un pelea profeshonal den ‘Thai Boxing’ John Granville lo batayá ku Sharif Ben Mabrouk, pa e título mundial di Honor Fight League den kategoria peso pisá. Huntu ku nan tin vários otro atleta di Kòrsou ku tambe lo mira akshon djasabra anochi den e di seis edishon di Honor Fight League. Miéntras tin dos tòp atleta di Kòrsou, ku despues di a destaká riba nivel internashonal tambe lo ta den akshon djasabra awor. Ta trata akí di Endy Semeleer i Brian Hooi. Semeleer un spesialista i kampion mundial den ‘kickboxing’, lo topa ku Marvin Monteiro di Cabo Verde. Esaki den un pelea planiá pa tres rònt di tres minüt, i ku lo ta e ‘main event’ di e anochi. Miéntras ku Hooi lo topa ku e kolombiano Jhon Grueso den un pelea profeshonal di MMA. E pelea akí ta programá pa tres rònt di sinku minüt. Tantu Semeleer i Hooi a bisa di ta kontentu di por bringa aki na Kòrsou.Tur dos a bisa ku nan a prepará bon, i ku nan ta kla pa duna pueblo di Kòrsou un tremendo espektákulo durante nan pelea. E di seis edishon di Honor Fight League lo tuma lugá djasabra awor na WTC. Akshon lo kuminsá for di 6or di anochi ku sinku pelea preliminar. Despues pa 7:15 di anochi lo tin sinku otro pelea ku ta kai den e sekshon preliminar. Mié ntras despues pa 9 or di anochi lo sigui ku seis pelea den e ‘main card’. E evento akí ya ta kasi ‘sold out’, pero ainda por haña karchi na Tu i Yo, IMMARTIAL Athlete Centre, Bugs Bunny, Van der Tweel, Mensing Caminada i e wèpsait Honorfightleague.com. Foto 7 HFL Lo bai tin vários pelea interesante den Honor Fight League 6

Deporte

Honor Fight League 6 ta primintí di bira eksplosivo

October 30, 2025

34

Aboná

From: €17.00 / month

Preis nan ta na EUROS

SKU: N/A Category: Online Subscription Package