WILLEMSTAD.- Manera nos a informá ayera, Culture Nights Curaçao ku na kabes Julieta Reyes Flores a organisá e promé anochi kultural, poniendo atenshon na un kultura. Den e kaso aki a skohe México i a organisá un nochi mehikano. Landhuis Saliña tabata yen yen di no solamente hendenan di e kultura mèksikano pero di yunan di Kòrsou ku tambe kier a sinti e sabor mehikano.
Tabatin diferente kuminda, pero tambe músika, baile i e chèri riba e bolo tabata e Tasting di Mezcal, un bibida típiko di México. E promé anochi di kultura aki ta habri porta pa por sigui bin ku mas di e eventonan aki i asina por konosé mas di aserka kiko ta biba den otro paisnan. Riba e kombinashon di potrètnan un bista di e anochi kultural ayera na landhuis Saliña.
