Hotèl Plaza bendí pa 13.5 mion den findishi

WILLEMSTAD.- Awe a tuma lugá e findishi riba Hotèl Plaza. Un ratu pasa e findishi a konkluí ora ku e invershonista Thomas Bolero a ofresé e suma di 13.5 mion pa e Hotèl. Hotèl Plaza tabatin vários luna sera, pero promé ku esei kaba e Hotèl a pasa den momentunan sumamente difísil kaminda na algun okashon e.o Aqualectra mester a kita koriente debí ku no tabata paga e kuentanan. Hopi ta e trahadónan ku a Sali pèrdí pasobra no tabata kumpli ku pago di salario korektamente. Resientemente a logra bende Hotèl Veneto despues ku e Hotèl ei tambe a pasa den tempunan difísil i awor a logra benta di Hotèl Plaza tambe. Ban spera ku esaki ta bira e momentu ku ta logra solushon pa mas di e propiedatnan turístiko aki. Tin Hotèl Kura Hulanda i Hotèl Howard Johnson i tambe Hotèl Otrobanda. Mester apuntá ku CiInex a hasi un tremendo trabou den esaki, deseonan di éksito na Ramon Kofijberg i su tim pa sigui pusha pa logra mas desaroyo positivo. Mas detaye den edishon di EXTRA.

SHARE

LEAVE A REPLY