BRASILIA, BRASIL, AFP.- Un hues di korte máksimo di Brasil a duna polis òrdu pa yama e èks presidente Jair Bolsonaro dentro di dies dia pa e deklará relashoná ku un investigashon pa e riot di 8 di yanüari na Brasília. Míles di siguidónan di e eks presidente a tuma parti den e riot.
Polis no a informá ainda ki dia lo yama Bolsonaro.
A kuminsá investigá e èks presidente, kende tabata na Orlando riba dia di e atakenan kontra sedenan di Korte, Kongreso i Palasio Presidensial di Planalto, pa aktonan di vandalismo.
Riba pedido di e fiskal, el a keda inkluí den e investigashon pa determiná ken tabata esnan ku a instigá i tambe outornan intelektual di e sakeo den e sedenan menshoná.
Fiskal a sita un video ku e eks mandatario a publiká riba su retnan sosial riba 10 di yanüari, dos dia despues di e atakenan, kuestionando e resultado elektoral di òktober último, kaminda el a pèrdè kontra e presidente aktual Luiz Inacio Lula da Silva den elekshon presidensial di 2022.
