Un hòmber ta keda detené despues di un kaso den korte na New York dia 15 di òktober último. Hopi di esnan detené komo inmigrante sin dokumento awor por haña na libertat pendiente tratamentu di nan petishon.
WASHINGTON (AFP).- Un hues federal a ordená e liberashon bou di fiansa di algun shen migrante sin dokumento detené na Chicago durante dje ofensiva migratorio di gobièrnu di Donald Trump, den un derota nobo pa e republikano den e di tres siudat mas grandi di Merka. E hues di distrito, Jeffrey Cummings, a ordená e liberashon di detenidonan ku e no ta mira komo un riesgo pa seguridat dje pais, miéntras ta warda riba resultado di nan prosedimentunan migratorio.
E órden dje hues ta keda apliká pa migrantenan ku a keda arestá sin un òrdu hudisial i sin motibu probabel. E korant Chicago Tribune a indiká ku e hues lo permití ku e detenidonan ta keda den libertat bou di un fiansa di 1.500 dòler ku algun tipo di sistema di monitòr, manera banchi elektróniko na ènkel. E migrantenan ta figurá entre e míles di migrante detené durante e razianan migratorio den Chicago. Hopi ya a keda deportá òf a aseptá pa di forma boluntario pa sali for dje pais.
