WASHINGTON (AFP).- Un hues merikano a ordená a gobièrnu di Donald Trump pa outorisá e regreso na Merka di algun dje 130 venezolanonan ekspulsá pa El Salvador den mart di 2024. Ta trata di un derota hudisial nobo pa e presidente Trump, kende ta hiba un kampaña kontra di inmigrantenan sin dokumento.
Vários tribunal federal, inkluso Korte Supremo di mayoria konservador, a blòkia provisionalmente aplikashon di e lei riba “enemigunan strañero”, usá te ku awor solamente den tempu di guera, ku e argumento ku e personanan ekspulsá mester por kumpli ku nan derechinan. Trump a usa e lei ei dia 15 di mart di 2024 kontra dje gèn venezolano “Tren de Aragua”. Esnan ekspulsá a keda trasladá pa un prizòn salvadoreño enorme promé di a keda liberá den yüli den un interkambio di prezunan entre Merka i Venezuela.
