MEXICO, MEXICO, AFP.- Un hues federal a duna òrdu djabièrnè pa suspendé tur korida di toro indefinidamente riba Plaza di Mexico, esun di mas grandi na mundu.
E sentensia por wòrdu apelá pa e organisadónan, ounke korte lo tarda vários luna pa tuma un desishon atrobe.
Riba 27 di mei último, hues a suspendé e koridanan di toro provishonalmente miéntras tabata skucha argumentonan i pruebanan di esnan embolbí pa tuma un desishon.
Diferente organisashon sivil a promové akshonnan legal den pasado pa prohibí koridanan di toro, un tradishon di 500 aña na Mexico. Niun di akshonnan aki tabata eksitoso.
Plaza Mexico ta esun di mas grandi na mundu, ku kapasidat pa 50.000 bishitante.
