VIENA, Austria (AFP).- E di 70 edishon di e festival di Eurovision, inougurá djadumingu último na Viena, ta tuma lugá bou di medidanan estrikto di seguridat relashoná ku un bòikòt debí na partisipashon di Israel. Hulanda, Spaña, Irlanda, Islandia i Slovenia ta e paisnan ku no ta presente den e famoso festival europeo di kansion komo protesta pa e presensia israelí.
Mas ku mil artista tambe a pidi bòikòt dje festival, ku por sierto lo no keda transmití pa Spaña, Irlanda i Slovenia. E grupo sloveno RTV a anunsiá ku na su lugá nan lo transmití un programa dediká na palestinonan.
Ta e intenshon pa realisá manifestashonnan pafó dje sitio kaminda e festival ta tuma lugá, pa ekspresá rechaso pa e ofensiva militar di Israel den Gaza.
