…IQOS ta selebrando su aniversario i den e kuadro aki i tambe teniendo na kuenta ku próksimamente Superior Tobacco lo haña un representante di merkadeo nobo, nos a papia ku Laureano Rodrigo. Ta trata di e mènedjer di merkado nobo ku lo ta na Kòrsou. E ta di nashonalidat peruano/spañó i tin 12 aña komo ingeniero industrial na FMCG i tambe MBA di IESE Business School na Spaña. Den entrevista  ku EXTRA el  a konta nos ku su trabou a kondusié na biaha rònt mundu, el a pasa hopi tempu trahando na Perú, Spaña, Rusia, Reino Uní i Colombia i komo tal e ta habri i kla pa eksplorá kultura nobo. I komo tal sr. Rodrigo ta ansioso pa sa mas di Kòrsou su forma di bida i su hendenan. Den próksimo simannan e lo ta na Kòrsou pa asumí e funshon di mènedjer di merkadeo pa islanan ABC.


IQOS ta e mihó alternativa…

Manera sr. Rodrigo a splika den e entrevista IQOS ku ta di Philip Morris ta e produkto liber di huma mas avansá te ainda. IQOS ta un produkto ku ta kalentá e tabako ku ta usa un teknologia sofistiká pa kalentá e e tabako komersialmente konosí komo HEETS. Ku IQOS no tin shinishi i tambe e ta redusí e holó di huma, ofresiendo di e forma ei un mihó sabor i satisfakshon den e kategoria. IQOS ta produsí un airosol ku ta kontené 95% di nivel mas abou di kímikonan ku ta kousa daño ku e huma di sigaria ta bini kuné. Basá riba evidensianan sientífiko, kambiando kompletamente pa IQOD ta ofresé ménos rísiko pa salu en bes di sigui huma; ta importante segun Laureano pa kòrda si ku IQOS no ta kompletamente liber di rísiko i ta intenshoná pa humadónan adulto so.


IQOS ta eliminá e djentenan hel…

Laureano Rodrigo a pone énfasis riba un di e benefishinan tambe di uso di IQOS ku ta eliminá djente hel. Djentenan di un humadó hopi bia pa eksponé na kímikonan den huma di sigaria. Esaki ta sòru pa kambia koló di djentenan. I p’esei den kaso di IQOS ta pone énfasis entre otro ku e ta eliminá e kombustion di tabako. Dor di eliminá huma, IQOS tambe ta redusí signifikantemente e deskolorashon di djente kompará ku e uso di sigaria ku ta huma. Laureano Rodrigo a splika ku e benefisio prinsipal di IQOS ta ku e ta produsí 95 porshento ménos di kímikonan dañino ku e sigarianan normal ku ta produsí huma. I ku bista riba e parti sosial mester enfatisá ku IQOS ta kousa ménos holó, ta eliminá e shinishi i ta eliminá e humadónan di segunda mano, esta esun ku no ta huma pero si ta haña tur e holó di e huma.

Logro sientífiko…

Laureano Rodrigo den e entrevista ku EXTRA tambe a pone énfasis riba e logro sientífiko resientemente pa ku desaroyo di IQOS. El a menshoná ku FDA a outorisá e merkadeo di IQOS komo produkto ku rísiko moderá (MRTP). E agensia ta splika ku komo IQOS ta kalentá e tabako i no kim’é, tambe e produkto ta redusí signifikantemente e kímikonan ku ta kousa daño kompará ku sigarianan ku ta huma. Pa medio di e MRTP aki FDA a terminá ku su revishon sientífiko di e evidensia sientífiko di PMI, i un  estudio independiente i a disidí di saka un òrdu di modifikashon pa IQOS ta apropiá pa promové salu públiko i ta spera ku e benefishinan pa salú di e populashon ta unu total.

 

Aseptashon na Kòrsou…

Laureano Rodrigo a bisa ku den términonan ganadó IQOS ta kresiendo saludablemente, nan a krese ku 21% kompará ku aña pasá i 16% kompará ku 2019. E ta masha kontentu di mira ku mas i mas konsumidónan ta kambiando pa e mihó alternativa pero ta kere si ku nan por hasi mas pa e humadónan adulto i p’esei lo ekspandé e konsientisashon den e kategoria di produkto aki.

 

(Por mira e entrevista aki kompleto riba wèpsait www.extra.cw. Tambe riba facebook extracuracao.

 

 

 

 

LAGA UN KOMENTARIO

Please enter your comment!
Please enter your name here