PARIS, FRANSIA, AFP.- Hustisia franses a habri un investigashon riba e ròl di konsultentnan privá den kampañanan elektoral di 2017 i 2022, meskos ku riba otro sospechonan di faboritismo, asina un fiskal nashonal finansiero a bisa.

E anunsio di e investigashonnan a tuma lugá algun luna despues di un polémika, den pleno kampaña di elekshon presidensial riba un posibel faboritismo di gobièrnu di presidente sentralista Emmanuel Macron pa ku e konsultent merikano McKinsey.

“Ta den man di hustisia ta ehekutá e investigashonnan ku un independensia total”, asina e presidente franses a bisa i kende a sigurá di a tuma nota di e komunikado di fiskalia riba apertura di dos informashon hudisial.

Durante e último kampaña presidensial, un informá di senado a mustra un polémika fuerte entre e uso di fondonan públiko i e oposishon a reklamá un investigashon di e vínkulonan entre e ofisialismo i e konsultent McKinsey.

A base di un artíkulo di e korant Le Parisien titulá “Kaso McKinsey; un investigashon pa finansiamentu ilegal di kampaña apuntá pa Macron”, e komunikado di PNF a sali pa asina aklará e situashon di e diferente prosedimentunan penal, despues di e informe di senado i diferente denunsia mas.

LAGA UN KOMENTARIO

Please enter your comment!
Please enter your name here