MADRID, SPAÑA, AFP.- E aerolínea spañó Iberia a anunsiá djaweps ku lo reanudá 20% di su buelonan doméstiko i distansia medio.
“E grupo a pone solamente 21% di su kapasidat pa proveé distansianan kòrtiku i mediano. E sifra por oumentá na 35% segun Spaña ta sigui eliminá e restrikshonnan” di biahe kontra e vírus, segun indikashon di un komunikado di prensa.
E buelonan aki, suspendé den mart ku entrada di e ‘lockdown’ na vigor, lo sirbi 40 destinashon den Spaña i Europa den yüli i mas di sinkuenta den ougùstùs.
E kompania a bisa ku ta preparando pa kontinuá ku e buelonan di distansia largu “segun e situashon ta permití esaki”.
