MCALLEN, TEXAS, MERKA, AP.- Servisio di Kontròl i Inmigrashon i Duana ta arestando i deportando ménos inmigrante dor ku ta dedikando mas rekurso pa atendé ku e kantidat haltu di famianan migrante ku ta yegando na frontera sùit di e pais, segun informashon di outoridat.
ICE a efektuá 14% di arestonan kriminal ménos i 10% pa deportashonnan desde òktober, kompará ku e mesun periodo aña pasá, segun indikashon di e direktor interino di ICE, Matthew Albence.
Albence a atribuí e disminushon na e reasignashon di vários elemento di ICE na frontera di Merka ku México, kaminda Patruya na Frontera ta detené míles di famia tur siman di nobo. Mayoria di e famianan aki ta hui di Sentroamerika i pidi asilo.
Albence i e sekretario interino di Seguridat Nashonal Kevin McAleenana a bishitá e siudat na frontera di McAllen, Texas pa presensiá loke nan a deskribí komo un krísis humanitario.
