ICONS i Gentz den un ‘clinch’ ku otro pa “Tsean Baby”

WILLEMSTAD.- Tin un situashon ku tin tur ingrediente pa bira un problema grandi entre ICONS i  Gentz.
Ayera nochi lat ‘DEN E BEMBE’ a komprondé ku reservashon di fechanan di fiesta pa fin di aña ku e dos bandanan tei bira un “ko”, tumando na konsiderashon ku e bandanan ta sea organisá òf ta ofresé nan presentashon ku artista invitá i den e kaso aki, e kantante Quinthony ‘Tsean’ Thomasa.
Parse ke problema a bai dje leu ei ku tin un prohibishon parse pa Tsean aktua den otro fiestanan.
Manera ta konosí e maneho artístiko di Tsean ta den man dje empresa ‘Decoded’ i ICONS tambe ta kai bou di mesun empresa.
Awó ta konosí ku Gentz tin algun presentashon kaminda ku Tsean ta artista invitá i einan e problema ta bin. Tin tur indikashon ku Gentz lo no por konta ku presentashon di Tsean pa sigur loke ta trata e temporada di fin di aña.
Intermediashon ta na kaminda parse pa resolvé e problema aki. Ban spera ku esaki lo por tuma lugá awe durante di dia.

SHARE

LEAVE A REPLY