WASHINGTON.- E impuesto adishonal apliká di parti di Merka riba produktonan for di China te ku ayera a alkansá 145%, segun White House a duna di konosé.
Segun e teksto, e oumento di 125% di impuesto anunsiá pa Trump kontra di China, ta bin riba e 20% aplikabel for di kuminsamentu di mart den kuadro dje medidanan kontra di tráfiko di fentanilo. Ta agregá esaki na e impuestonan eksistente promé ku Trump a regresá White House den yanüari último.
E dekreto tambe ta konfirmá e pousa di algun dje tarifanan di duana kontra di otro paisnan.
