NEW DELHI, India (AFP).- India a tuma un seri di medida diplomátiko kontra di su bisiña i rival Pakistan, ku el a akusá di “terorismo na frontera” despues di un atake sangriento kontra di turistanan den Cachemira, ku ta bou di atministrashon indio.
E medidanan ta inkluí ku a blòkia un tratado riba kon kompartí awa entre ámbos pais, e seri di e frontera prinsipal entre e dos bisiñanan i e redukshon di personal diplomátiko.
E frontera di Attari-Wagah entre ámbos pais rival “lo keda será ku efekto inmediato”, segun e funshonario di altu mas rango di ministerio indio di relashonnan eksterior, Vikram Misri. Pero el a agregá ku e personanan ku ta disponé di dokumentonan di biahe bálido lo por krusa promé ku 1e di mei.
“E tratado di 1960 riba awa di Indus lo keda suspendé awor dirèkt, te ora ku Pakistan renunsiá di manera irevokabel su apoyo na terorismo na frontero”, segun Vikram Misri a bisa na periodistanan na New Delhi. E tratado akí teorétikamente ta parti e laman entre ámbos pais, pero a kousa hopi diskushon.
Pakistan ta teme ku India lo restringí su akseso na e awa, loke lo afektá su agrikultura.
Ningun grupo te ku ayera a reklamá responsabilidat dje atentado ku a mata 25 persona djamars den e region indio di mayoria musulman, kaminda rebeldenan ta dominá for di 1989.
