NEW DELHI, INDIA, AFP.- E empresa indio Bharat Biotech a indiká djárason ku su vakuna Covaxin, fuertemente kritiká pa motibu ku a lansa esaki promé ku tèstnan final, ta prevení COVID-19 ku kasi 81% efikasia.
E efikasia di Covaxin di Bharat Biotech a keda kuestioná pa e kuerpo médiko despues ku el a keda outorisá pa funshonarionan den yanüari, apesar ku e pruebanan di Fase 3, e último etapa di aprobashon definitivo no tabata kompleto.
E empresa a agregá ku “efektonan atverso grave, kual a rekerí asistensia médiko tabata abou, i den ekilibrio entre e gruponan di vakuna i plasebo.
Covaxin i Covishield, di AstraZeneca/Oxford, tambe fabriká na India ta e dos vakunanan aprobá den e pais.
Promé minister Narendra Modi a haña un dósis di Covaxin djaluna, ekstendiendo vakunashon di esnan riba 60 aña i 45 aña ku problemanan di salú grave.
