HYDERABAD, INDIA, AP.- Polis na India ta investigando mayornan di un adolesente ku a muri despues di yuna pa 68 dia den un ritual religioso. Asina wòrdu informá djaluna. Inspektor M. Mattaiah a bisa ku el a risibí denunsia di un asosiashon protektor di menornan.
E mucha di 13 aña a muri dia 3 di òktober, dos dia despues di a finalisá e ayuno. Esaki ta parti di un ritual práktika pa jainismo, un religion antiguo di India.
E tata, Lakshmi Chand Samdariya, a bisa ku e mucha tabata usa un dieta líkido, na momentu ku su “estado a deteriorá” i “nos a hib’é un hospital lokal, kaminda el a wòrdu deklará morto”.
Samdhariya a ninga ku el a obligá su yu pa yuna. El a indiká ku su ku kier a bira un jain i a realisá dos ayuno den pasado.