TORIBIO, COLOMBIA, AP.- Seis sòldat a keda agredí pa desena di indígena ku a lastra nan riba suela den un intensifikashon di e reklamonan di nativo ku ta kansa di kombatenan den e region. Nan ta demandá tambe e salida di esakinan for di nan teritorio i tambe di gueria.
Den kareda di 09.30 mainta, miembronan di e etnia Nasa, a kuminsá rondoná e sòldatnan, kende tabata un tiki intimidá.
Na e sitio, e indígenanan a lastra nan riba suela un pa un, di e totalidat di seis sòldat.
“Ami ta Colombia i mi no ta move”, asina un di e militarnan a logra grita.
Den e serunan, e sòldatnan agredí tabata komandante di e sargento Rodrigo Garcia Amaya.
“Si no hasi algu, e kos aki lo bolbe ripití, si no ta kontra nos, ta kontra otro unidatnan militar”, asina e supofisial a agregá.
“Den e serunan aki mi tin sufisiente sòldat pa kombatí e gueria, pero no pa enfrentá mas do 1000 indígena”. Asina e general Jorge Humberto Perez a bisa na The Associated Press, kende ta komandante di e Forsa di Tarea Apolo ku sede na Cauca.
“ E indígenanan t a skupiendo mi sòldatnan, ta kimando nan kuminda, ta kimando e área ku nan por bebe awa, ta pusha i insultá nan. Mi sòldatnan a wanta i soportá e situashon aki hopi i mi ta pensa ku e situashon ta saliendo un tiki for di kòntròl”.