BOLIVIA, AP.- Kasi un sentenar di indígena Quechuas di un etnia ku pa dékadanan a keda den anonimato a marcha bai La Paz despues di 41 dia di kana pa denunsia robo di nan tera i demanda e gobièrnu di Evo Morales di a kita nan teritorionan.

E nashon “Qhara Qhara” ku ta habitá e teranan haltu den e provinsianan di Potosi i Chuquisaca ta eksihí pa kumpli ku e konstitushon di 2009 kaminda Bolivia a pasa pa ta estado plurinashonal. E konstitushon a keda riba papel, asina un di e lidernan di e protesta Samuel Flores a bisa.

Bistí ku na pañanan kolorido trahá ku hilunan di e indigenanan mes nan a drenta di forma pasífiko mei mei di e tráfiko kargando bultonan i a yega te na 100 meter di kas di gobièrnu kaminda un barera di polis a stroba nan di sigui. Nan a finalisá den e portanan di ministerio di hustisia kaminda nan tabata bai un reunion ku e titular di e kartera ei.

E Qhara Qhara nan ta e manda un título di propiedat kolektivo pa tur nan teranan. Sinembargo, e instituto di reforma agrario gubernamental a duna resientemente títulonan individual den e komunidat di Quila Quila pafó di Sucre loke a sòru pa e protesta.

Gobièrnu ta argumentá ku e desishon a keda tuma despues ku mayoria di e habitantenan di Quila Quila asosiá den sindikatonan agrario i ku no a identifiká nan mes ku outoridatnan Qhara Qhara a pronunsiá na fabor di e títulonan individual.

 

LAGA UN KOMENTARIO

Please enter your comment!
Please enter your name here